ਬਟਾਲਾ ਜਿਲਾ ਇਨਚਾਰਜ ਸੁਭਾਸ਼ ਸਹਿਗਲ,ਜਤਿਨ ਸਹਿਗਲ
ਅੱਜ ਮੋਬਾਈਲ ਐਸੋਸੀਏਸ਼ਨ ਦੀ ਮੀਟਿੰਗ ਯੂਨੀਅਨ ਦੇ ਚੇਅਰਮੈਨ ਆਸ਼ੂ ਗੋਇਲ, ਪ੍ਰਧਾਨ ਰਿੰਕੂ ਚੌਧਰੀ, ਸਰਪ੍ਰਸਤ ਗੌਤਮ ਸੇਠ ਦੀ ਅਗਵਾਈ ਹੇਠ ਹੋਈ |
ਇਸ ਮੀਟਿੰਗ ਵਿੱਚ ਜਿੱਥੇ ਮੋਬਾਈਲ ਡੀਲਰਾਂ ਨੇ ਆਪਣੀਆਂ ਸਮੱਸਿਆਵਾਂ ਸਾਂਝੀਆਂ ਕੀਤੀਆਂ ਉੱਥੇ ਹੀ ਗਰਮੀਆਂ ਦੀਆਂ ਛੁੱਟੀਆਂ ਦਾ ਐਲਾਨ ਵੀ ਕੀਤਾ ਗਿਆ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਚੇਅਰਮੈਨ ਆਸ਼ੂ ਗੋਇਲ, ਪ੍ਰਧਾਨ ਰਿੰਕੂ ਚੌਧਰੀ, ਸਰਪ੍ਰਸਤ ਗੁੱਡੂ ਸੇਠ, ਹਰਮਨਦੀਪ ਸਿੰਘ ਨੇ ਦੱਸਿਆ ਕਿ ਬਟਾਲਾ ਵਿੱਚ 22 ਤੋਂ 25 ਜੂਨ ਤੱਕ ਮੋਬਾਈਲ ਡੀਲਰਾਂ ਦੀਆਂ ਦੁਕਾਨਾਂ ਬੰਦ ਰਹਿਣਗੀਆਂ।
ਇਸ ਮੌਕੇ ਐਸੋਸੀਏਸ਼ਨ ਦੇ ਸਰਪ੍ਰਸਤ ਗੌਤਮ ਸੇਠ ਨੇ ਕਿਹਾ ਕਿ ਗਰਮੀਆਂ ਦੀਆਂ 4 ਛੁੱਟੀਆਂ ਬਹੁਤ ਮਹੱਤਵਪੂਰਨ ਹਨ ਤਾਂ ਜੋ ਅਸੀਂ ਆਪਣੇ ਪਰਿਵਾਰ ਅਤੇ ਬੱਚਿਆਂ ਨੂੰ ਸਮਾਂ ਦੇ ਸਕੀਏ। ਉਨ੍ਹਾਂ ਕਿਹਾ ਕਿ ਇਸ ਦੀ ਉਲੰਘਣਾ ਕਰਨ ਵਾਲਿਆਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ ਅਤੇ ਉਨ੍ਹਾਂ ਨੂੰ ਜੁਰਮਾਨਾ ਕੀਤਾ ਜਾਵੇਗਾ। ਇਸ ਮੌਕੇ ਰੋਹਿਤ ਢੱਲ, ਮੋਹਿਤ ਮਲਹੋਤਰਾ, ਵਿਕਰਮ ਢੱਲ, ਨਿਤਿਨ ਮਹਾਜਨ, ਵਿਕਾਸ ਸ਼ਰਮਾ, ਵਿਸ਼ਾਲ ਸ਼ਰਮਾ, ਗੁਰਪ੍ਰੀਤ ਸਿੰਘ, ਹਰਮਨ ਸਿੰਘ, ਰਾਜ ਕੁਮਾਰ, ਸੰਜੀਵ ਮਹਾਜਨ, ਲਵ ਨੰਦਾ, ਗੌਤਮ ਕੁਮਾਰ ਆਦਿ ਹਾਜ਼ਰ ਸਨ।
