ਬਟਾਲਾ (ਅਵਿਨਾਸ਼ ਸ਼ਰਮਾ, ਸੁਨੀਲ ਚੰਗਾ, ਸੁਭਾਸ਼ ਸਹਿਗਲ)
ਬਟਾਲਾ ਨਿਰਜਲਾ ਇਕਾਦਸ਼ੀ ਦੇ ਮੌਕੇ ਤੇ ਸਿਟੀ ਰੋਡ ਬਟਾਲਾ ਵਿੱਚ ਠੰਡੇ ਮਿੱਠੇ ਜਲ ਦੀ ਛਬੀਲ ਸਵਰਗੀਏ ਹਜ਼ਾਰੀ ਲਾਲ ਦੇ ਪਰਿਵਾਰ ਵਲੋਂ ਲਗਾਈ ਗਈ। ਇਸ ਮੌਕੇ ਛਬੀਲ ਸ਼ੁਰੂ ਕਰਨ ਤੋਂ ਪਹਿਲਾ ਸਮੂਹ ਸੇਵਾਦਾਰਾਂ ਵੱਲੋਂ ਸਰਬੱਤ ਦੇ ਭਲੇ ਦੀ ਅਰਦਾਸ ਕੀਤੀ ਗਈ। ਇਸ ਮੌਕੇ ਅਸ਼ੋਕ ਮਹਿਰਾ ਅਤੇ ਪ੍ਰਦੀਪ ਮਹਿਰਾ ਨੇ ਦੱਸਿਆ ਕਿ ਹਿੰਦੂ ਧਰਮ ਵਿੱਚ ਨਿਰਜਲਾ ਇਕਾਦਸ਼ੀ ਸਾਰੀਆਂ ਇਕਾਦਸ਼ੀ ਨਾਲੋਂ ਸਭ ਤੋਂ ਉੱਤਮ ਮੰਨਿਆ ਜਾਂਦਾ ਹੈ। ਸਾਸ਼ਤਰਾਂ ਅਨੁਸਾਰ ਇਸ ਪਵਿੱਤਰ ਦਿਹਾੜੇ ਤੇ ਜਲ ਦੀ ਸੇਵਾ ਕਰਨ ਨਾਲ ਵਿਸ਼ਨੂੰ ਭਗਵਾਨ ਜੀ ਖੁਸ਼ ਹੁੰਦੇ ਹਨ ਅਤੇ ਨਾਲ਼ ਹੀ ਇਹਨਾਂ ਨੇਂ ਦੱਸਿਆ ਕਿ ਦਿਨ ਰਾਤ ਪੈ ਰਹੀ ਗਰਮੀ ਦੇ ਚਲਦਿਆ ਰਾਹਗੀਰਾਂ ਨੂੰ ਰਾਹਤ ਪਹੁੰਚਾਉਣ ਦੇ ਮੱਕਸਦ ਨਾਲ ਇਹ ਛਬੀਲ ਲਗਾਈ ਗਈ। ਇਸ ਮੌਕੇ , ਅਸ਼ੋਕ ਕੁਮਾਰ, ਪ੍ਰਦੀਪ ਕੁਮਾਰ,ਸੋਨੂ ਮਾਨ, ਨਿਖਿਲ ਮਹਿਰਾ, ਕੁਨਾਲ ਮਹਿਰਾ, ਦੀਪੰਸ਼ੁ ਮਾਹਿਰਾ ,ਮਨੀ ਸ਼ਰਮਾ , ਸ਼ਫ਼ੀ ਸਰੀਨ, ਬਾਬਾ ਸਿੰਘ ਆਦਿ ਨੇ ਰਲਕੇ ਸੇਵਾ ਦਾ ਅਨੰਦ ਮਾਣਿਆ ।
