ਪ੍ਰਾਇਮਰੀ ਸਕੂਲ ਖੇਡਾਂ ਵਿੱਚ ਸੰਤ ਫਰਾਂਸਿਸ ਸਕੂਲ ਦੇ ਬੱਚਿਆਂ ਨੇ ਮਾਰੀਆਂ ਮੱਲਾ।

ਬਟਾਲਾ ੱ( ਸੁਭਾਸ ਸਹਿਗਲ, ਜਤਿਨ ਸਹਿਗਲ)
ਬੀਤੇ ਦਿਨੀ ਕੋਟਲਾ ਸ਼ਾਹੀਆ ਵਿਖੇ ਪ੍ਰਾਇਮਰੀ ਸਕੂਲ ਖੇਡਾਂ ਕਰਵਾਈਆਂ ਗਈਆਂ। ਜਿਸ ਵਿੱਚ ਸੰਤ ਫਰਾਂਸਿਸ ਸਕੂਲ ਬਟਾਲਾ ਦੇ ਬੱਚਿਆਂ ਨੇ ਵੱਖ-ਵੱਖ ਖੇਡਾਂ ਵਿੱਚ ਭਾਗ ਲੈ ਕੇ ਜਿੱਤ ਦਰਜ ਕੀਤੀ।
ਇਸ ਮੌਕੇ ’ਤੇ ਸਕੂਲ ਦੇ ਪੀ.ਟੀ. ਅਧਿਆਪਕ ਮੈਡਮ ਊਸ਼ਾ ਬਡਿਆਲ ਜੀ ਨੇ ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਸ਼ਾਟਪੁੱਟ ਵਿੱਚ ਕ੍ਰਮਵਾਰ ਕ੍ਰਿਸ਼ਨ ਅਗਰਵਾਲ ਤੇ ਦੀਪਜੋਤ ਕੌਰ ਨੇ ਪਹਿਲਾ ਦਰਜਾ, ਹਰਨੂਰ ਕੌਰ ਨੇ ਦੂਜਾ , ਯੁਵਰਾਜ ਸਿੰਘ ਤੇ ਸੁਖਮਣੀਦੀਪ ਕੌਰ ਨੇ ਤੀਸਰਾ ਦਰਜਾ ਪ੍ਰਾਪਤ ਕੀਤਾ। ਇਸੇ ਤਰ੍ਹਾਂ ਹੀ ਮੁੰਡਿਆਂ ਦੀ 400 ਮੀਟਰ ਰੀਲੇਅ ਦੌੜ ਵਿੱਚ ਟੀਮ ਦੂਜੇ ਸਥਾਨ ’ਤੇ ਰਹੀ, ਜਿਸ ਵਿੱਚ ਸ਼ੁਭਾਸ ਬਾਂਸਲ, ਜਸਮੇਹ ਸਿੰਘ, ਸਟੀਫਨ ਰੰਧਾਵਾ ਤੇ ਹਰਕਿਰਤ ਸਿੰਘ ਨੇ ਭਾਗ ਲਿਆ। ਲੜਕੀਆਂ ਦੀ ਟੀਮ 400 ਮੀਟਰ ਰੀਲੇਅ ਦੌੜ ਵਿੱਚ ਦੂਜੇ ਸਥਾਨ ਤੇ ਰਹੀ ਜਿਸ ਵਿੱਚ ਕ੍ਰਮਵਾਰ ਸੁਖਮਣੀ, ਪਰਨੀਤ, ਰਿਧਿਮ ਤੇ ਨਿਆਮਤਦੀਪ ਨੇ ਭਾਗ ਲਿਆ ਤੇ ਜਿੱਤ ਪ੍ਰਾਪਤ ਕਰਕੇ ਸਕੂਲ ਦਾ ਨਾਮ ਰੋਸ਼ਨ ਕੀਤਾ। ਸਕੂਲ ਦੇ ਪ੍ਰਿੰਸੀਪਲ ਫਾਦਰ ਜਾਰਜ ਸਕਾਈਲਾਰਕ ਜੀ ਨੇ ਬੱਚਿਆਂ ਤੇ ਉਹਨਾਂ ਦੇ ਮਾਤਾ-ਪਿਤਾ ਨੂੰ ਤਹਿਦਿਲੋਂ ਵਧਾਈ ਦਿੱਤੀ ਤੇ ਬੱਚਿਆਂ ਨੂੰ ਭਵਿੱਖ ਵਿੱਚ ਵੀ ਇਸੇ ਤਰ੍ਹਾਂ ਹੋਰ ਸਖ਼ਤ ਮਿਹਨਤ ਕਰਕੇ ਸਕੂਲ ਦਾ ਨਾਮ ਰੋਸ਼ਨ ਕਰਨ ਲਈ ਸ਼ੁਭਕਾਮਨਾਵਾਂ ਵੀ ਦਿੱਤੀਆਂ।